خمیس: سعودی عرب میں تین ماہ سے لا پتا ایک لڑکی آخر کار بازیاب ہو گئی۔
تفصیلات کے مطابق سعودی عرب کے علاقے خمیس مشیط میں تین ماہ سے لاپتا سعودی لڑکی لینا محمد گھر پہنچ گئی۔
سعودی میڈیا کے مطابق 13 سالہ لینا محمد کی ذہنی عمر صرف 7 برس ہے، تین ماہ قبل وہ امتحان دینے کے لیے اسکول گئی تھی ور واپس نہیں آئی۔
لڑکی کی صحت کم زور ہو چکی ہے، اور اسے ابہا کے ذہنی اسپتال منتقل کیا گیا ہے جہاں اسے طبی امداد دی جا رہی ہے، والدہ نے بتایا کہ لینا کی دیکھ بھال جاری ہے۔
رپورٹ کے مطابق لڑکی کی والدہ کو ایک انجان نمبر سے کالیں موصول ہوئیں تو معلوم ہوا کہ سیکیورٹی اہل کاروں کی جانب سے رابطہ کیا جا رہا تھا، جنھوں نے بتایا کہ ان کی بیٹی مل گئی ہے۔
العثور على "لينا محمد" مفقودة #خميس_مشيط بعد 3 أشهر من فقدانها ووالدتها تروي تفاصيل القصة لـ #العربية#السعودية pic.twitter.com/JXaJxDFZRe
— العربية السعودية (@AlArabiya_KSA) February 5, 2023
والدہ نے گورنرعدسیر شہزادہ ترکی بن طلال اور سیکیورٹی اہل کاروں کا شکریہ ادا کیا، جنھوں نے بچی کی تلاش میں بھرپور مدد دی، والدہ نے کہا کہ سوشل میڈیا کے ذریعے بھی ان کی بچی کی تلاش میں بہت معاونت کی گئی۔
اسپتال میں طبی معائنہ کرائے جانے کے بعد ڈاکٹروں نے اس کی صحت تسلی بخش قرار دی، ڈاکٹروں کا کہنا ہے کہ خوارک کی کمی کی وجہ سے صحت کم زور ہو چکی ہے، نیز ذہنی صحت بھی بہتر نہیں تھی۔
ملنے کے وقت لڑکی نے وہی کپڑے پہن رکھے تھے جو تین ماہ قبل امتحان دینے کے لیے جاتے وقت پہنے تھے۔
