The news is by your side.

Advertisement

امریکا: شیر خوار بچے کو جلا کر قتل کرنے والے والدین گرفتار

امریکی پولیس نے 2 سالہ بچے کے قتل کے جرم میں اس کے والدین کو گرفتار کرلیا، گمشدہ بچے کی تلاش ایک ہفتے سے جاری تھی۔

یہ واقعہ امریکی ریاست کیلی فورنیا میں پیش آیا، پولیس کے مطابق والدین نے ایک ہفتے قبل رپورٹ درج کروائی تھی کہ ان کا 2 سالہ شیر خوار اچانک لاپتہ ہوگیا ہے۔

والدین کا کہنا تھا کہ انہوں نے رات کو بچے کو اس کے بستر پر سلایا، صبح اٹھ کر دیکھا تو وہ اپنی جگہ سے غائب تھا۔

پولیس کے مطابق ایک ہفتے بعد بچے کی لاش کی باقیات آگ لگانے والے ایک گڑھے سے دریافت ہوئیں۔ بچے کو ممکنہ طور پر اسی گڑھے میں ڈال کر نذر آتش کیا گیا تھا۔

پولیس نے والدین کو گرفتار کرلیا ہے اور اس حوالے سے مزید تحقیقات بھی جاری ہیں۔

Comments

یہ بھی پڑھیں