دنیا کو بچانے کے لیے سائنسدانوں نے حیرت انگیز کارنامہ انجام دیتے ہوئے ماحول دوست منفرد گائے تیار کر لی ہے۔
دنیا کو ماحولیاتی اور موسمیاتی تبدیلی سے خطرات لاحق ہیں اور سائنسدان زندگی رکھنے والے اس واحد کرہ ارض کو بچانے کی تگ ودو میں مصروف ہیں۔ ایسی ہی ایک کوشش میں سائنسدانوں نے منفرد ماحول دوست گائے تیار کی ہے۔
غیر ملکی میڈیا کے مطابق برطانیہ میں سائنسدانوں کے ایک گروپ نے ایسی خاص گائے تیار کی ہے جو گیس کا اخراج نہیں کرتی اور سائنسدانوں کا دعویٰ ہے کہ یہ ماحول دوست گائے دنیا کو بچانے میں مدد فراہم کر سکتی ہے۔
اس خاص گائے کو کول گائے (Cool Cow) کا نام دیا گیا ہے اور ماہرین نے اس گائے کو IVF نامی خصوصی زرخیزی سے تیار کیا ہے۔ سائنس دانوں نے اس کے لیے ایک خاص تیکنیک کا استعمال کیا اور مادہ ہلڈا گائے کے جینز کو لیبارٹری میں فرٹیلائز کیا۔
سائنسدانوں کے گائے کی افزائش کے لیے آئی وی ایف (IVF) کے اس کامیاب تجربے میں ریوڑ کی اگلی نسل 8 ماہ قبل تیار ہو جاتی ہے۔ یہ نسل ڈیری انڈسٹری کو اپنے ماحولیاتی خدشات کو کم کرنے میں مدد دے سکے گی۔
پروفیسر رچرڈ ڈیوہرسٹ نے کہا کہ اس خاص گائے کی پیدائش ممکنہ طور پر برطانیہ کی ڈیری انڈسٹری کے لیے ایک انتہائی اہم لمحہ قرار دیا ہے۔
