بھارت میں لیجنڈز لیگ کرکٹ کے لیے موجود آسٹریلیا کے سابق تیز گیند باز مچل جانسن کے ہوٹل کے کمرے سے سانپ نکل آیا۔
مچل جانسن ریاست اترپدیش کے شہر لکھنؤ کے ایک ہوٹل میں ٹھہرے ہوئے ہیں۔ انہوں نے کمرے سے برآمد ہونے والے چھوٹے سانپ کی تصاویر اپنے آفیشل انسٹا گرام اکاؤنٹ سے شیئر کیں جنہیں دیکھ کر ہر کوئی حیران رہ گیا۔
سابق آسٹریلوی کھلاڑی نے کیپشن میں لکھا: ’کسی کو معلوم ہے کہ یہ کس قسم کا سانپ ہے؟ یہ میرے کمرے کے دروازے پر موجود تھا‘۔
View this post on Instagram
انہوں نے ایک اور پوسٹ کے کیپشن میں لکھا: ’سانپ کے سر کی ایک بہترین تصویر مل گئی۔ میں ابھی تک تذبذب میں ہوں کہ یہ دراصل ہے کیا۔ بہر حال، یہ لکھنؤ میں ایک دلچسپ قیام ہے‘۔
View this post on Instagram
لیجنڈز لیگ کرکٹ میں سابق کرکٹرز کی ایک بڑی تعداد شرکت کے لیے موجود ہے۔ مچل جانسن ’انڈیا کیپٹلز‘ کی نمائندگی کر رہے ہیں۔
Comments
- Advertisement -