مچل اسٹارک چیمپئنزٹرافی سے اپنا نام کیوں واپس لیا تھا، آسٹریلوی لیفٹ آرم فاسٹ بولر نے پوڈ کاسٹ میں اس حوالے سے سب کچھ بتادیا۔
پاکستان میں ہونے والی چیمپئنزٹرافی 2025 سے قبل مچل اسٹارک نے نجی وجوہات کی بنا پر ایونٹ سے اپنا نام واپس لے لیا تھا، نہ صرف اسٹارک بلکہ آئی سی سی ایونٹ کے لیے آسٹریلیا کو کپتان پیٹ کمنز اور جوش ہیز ووڈ کی خدمات بھی حاصل نہیں تھیں۔
اب ایک پوڈ کاسٹ میں شرکت کے دوران کینگرو پیسر نے اس حوالے سے لب کشائی کی ہے کہ انھوں نے کس وجہ سے چیمپئنزٹرافی میں شرکت نہیں کی تھی۔
View this post on Instagram
میزبان نے ان سے پوچھا کہ آپ نے ذاتی وجوہات کی بنا پر ایونٹ میں شرکت نہیں کی تھی تو وہ کونسی ایسی ذاتی وجہ تھی، جس کے جواب میں مچل اسٹارک نے بتایا کہ اس کی مختلف وجوہات تھیں اور میرا ذاتی نظریہ بھی تھا۔
مچل اسٹارک کا کہنا تھا کہ مجھے بھارت کے خلاف ٹیسٹ سیریز کے دوران ٹخنے میں درد کی شکایت تھی، ذہن میں یہ بھی تھا کہ اس کے بعد ویسٹ انڈیز کا ٹور ہے اور آئی پی ایل بھی ہے لیکن میرے ذہن میں ٹیسٹ چیمپئن شپ فائنل تھا کہ مجھے اس کے لیے فٹ رہنا ہے۔
ان سب چیزوں کے درمیان میرے لے سب سے اہم ٹیسٹ چیمپئن شپ کا فائنل ہے، میں چاہتا ہوں کہ میرا جسم ٹھیک رہے اور میں آنے والے مہینوں میں بہتر طریقے سے کرکٹ کھیل سکوں اور سب سے بڑھ کر ورلڈ ٹیسٹ چیمپئن شپ فائنل کھیل سکوں۔
کیا مچل اسٹارک نے ایڈیلیڈ میں بھارت کےخلاف ’بال آف دی سنچری‘ کرائی؟
