امریکی ٹیکنالوجی کمپنی ایپل نے آئی فون سے بھی جدید ڈیوائس متعارف کرنے کا اعلان کر دیا ہے، یہ ڈیوائس سال رواں کے آخر تک دستیاب ہوگی۔
ایپل کمپنی نے 8 سال بعد ایک نئی اور منفرد ڈیوائس پیش کرنے کا اعلان کیا ہے جسے آئی فون کے مقابلے میں استعمال کیا جا سکتا ہے۔
بلومبرگ کی جانب سے رپورٹ سامنے آنے کے بعد یہ امکان ظاہر کیا جارہا ہے کہ یہ کمپنی اپریل سے جون کے درمیان مکسڈ رئیلٹی ہیڈ سیٹ متعارف کروائے گی، جسے رئیلٹی پرو کا نام دیا جاسکتا ہے۔
رپورٹ کے مطابق کمپنی کی جانب سے اس ڈیوائس کو جون میں شیڈول ورلڈ وائیڈ ڈویلپرز کانفرنس سے قبل متعارف کروانے کی منصوبہ بندی کی گئی ہے۔
ورچوئل ریئلٹی (وی آر) اور اگیومینٹڈ ریئلٹی (اے آر) پر مشتمل یہ ہیڈ سیٹ 3 ہزار ڈالرز کا ہوگا، صارفین اسے رواں سال کے آخر تک خرید سکیں گے۔
