پی ٹی آئی رہنما ملیکہ بخاری نے بھی پارٹی سے لاتعلقی کا اعلان کردیا۔
اے آر وائی نیوز کے مطابق پی ٹی آئی رہنما ملیکہ بخاری نے کہا کہ 9 مئی کے واقعات کی مذمت کرتی ہوں، فوجی تنصیبات پر حملے، یادگار شہدا کی بے حرمتی کی گئی۔
انہوں نے کہا کہ میں تحریک انصاف سے لاتعلقی کا اعلان کرتی ہوں اور پی ٹی آئی کے عہدے سے بھی مستعفی ہونے کا اعلان کرتی ہوں۔
ملیکہ بخاری نے کہا کہ چاہتی ہوں بحیثیت وکیل ملک کی خدمت کرتی رہوں، میں اپنی فیملی اور پروفیشن کو وقت دینا چاہتی ہوں۔
ملیکہ بخاری نے بھی پی ٹی آئی کو خیرباد کہہ دیا#ARYNews #PTI pic.twitter.com/kHCNakQdD9
— ARY NEWS (@ARYNEWSOFFICIAL) May 25, 2023
انہوں نے کہا کہ 9 مئی کی تحقیقات کے عمل سے چیزیں منظرعام پر آئیں گی جو لوگ بھی اس کے پیچھے ہیں وہ سامنے آئیں گے۔
ملیکہ بخاری نے کہا کہ پارٹی چھوڑنے پر مجھ پر کوئی بھی زور زبردستی نہیں ہے۔
انہوں نے کہا کہ پاکستان کے عوام امن چاہتے ہیں، معیشت کی ترقی چاہتے ہیں ملک کو یکجہتی سے آگے بڑھانا ہوگا۔
خیال رہے کہ ملیکہ بخاری کو کچھ دیر قبل اڈیالہ جیل سے رہا کیا گیا تھا۔ انہیں تھری ایم پی او کے تحت جیل میں نظر بند کیا گیا تھا۔
