اسلام آباد کے علاقے شکرپڑیاں میں غیر ملکی خواتین سیاحوں کو ہراساں کرنے والے چار ملزمان کو پولیس نے گرفتار کر کے ویڈیوز برآمد کرلیں۔
شکرپڑیاں میں یومِ آزادی 14 اگست کو غیر ملکی خواتین سیاحوں کے ساتھ ہجوم کی جانب سے ہراساں کرنے کا واقعہ پیش آیا تھا جس کی ویڈیوز بھی سوشل میڈیا پر دیکھی گئیں۔
آئی جی اسلام آباد ڈاکٹر اکبر ناصر خاں کی جانب سے واقعے کا نوٹس لینے کے بعد مقدمہ درج کر کے تفتیش شروع کر دی گئی تھی۔
Boys misbehaving with foreign tourists on the occasion of #Pakistan's #IndependenceDay in Shakarparian, #Islamabad. Authorities must identify and punish the culprits. @ICT_Police pic.twitter.com/9cRdPntMS2
— Islamabad Updates (@IslamabadViews) August 15, 2022
آج پولیس نے واقعے میں ملوث چار ملزمان کو شناخت کے بعد گرفتار کرلیا ہے۔ ملزمان کے قبضے سے ویڈیوز بھی برآمد ہوئی ہیں۔ ویڈیوز میں نظر آنے والے تمام ملزمان کی شناخت نادرا کے ذریعے کی جا رہی ہے۔
غیر ملکی مہمانوں کو ہراساں کرنے کے خلاف سوشل میڈیا صارفین کی جانب سے سخت ردعمل کا اظہار کیا گیا۔ انہوں نے حکام سے مطالبہ کیا تھا کہ ملزمان کو جلد از جلد گرفتار کر کے سخت سزا دی جائے۔
اسلام آباد پولیس کی جانب سے ٹوئٹر پر بتایا گیا تھا کہ ملزمان کی شناخت کے لیے ویڈیو نادرا کو بھجوائی جا رہی ہے، ویڈیو میں تمام ملزمان کی شناخت کر کے گرفتار کیا جائے گا۔
پولیس کا کہنا تھا کہ یہ ایک افسوس ناک اور مجرمانہ فعل ہے اور ہر طبقہ فکر کے لوگوں کو اس کی بھرپور مذمت کرنے کی ضرورت ہے۔
کیس کو ڈی آئی جی آپریشنز سہیل ظفر چٹھہ خود سپروائز کریں گے۔یہ ایک افسوس ناک اور مجرمانہ فعل ہے اور ہر طبقہ فکر کے لوگوں کو اس کی بھرپور مذمت کرنے کی ضرورت ہے۔
2/2#ICTP #OPS— Islamabad Police (@ICT_Police) August 15, 2022