کوئٹہ میں 3 روز کے بعد موبائل انٹرنیٹ سروس بحال ہونا شروع ہوگئی ہے۔
9 مئی کو چیئرمین تحریک انصاف عمران خان کی گرفتاری کے بعد حکومت نے ملک بھر میں انٹرنیٹ سروس محدود کردی تھی جبکہ سوشل میڈیا تک رسائی کو بھی محدود کردیا گیا تھا۔
تاہم گزشتہ روز ذرائع پی ٹی اے کا کہنا تھا کہ وزارت داخلہ کی ہدایات کے بعد ہی ملک بھر میں انٹرنیٹ سروس بحال کی جائےگی۔
تاہم ابھی صرف کوئٹہ میں موبائل انٹرنیٹ سروس بحال ہونا شروع ہوگئی ہے۔
