کراچی : جناح انٹرنیشنل ایئرپورٹ پر پرموبائل فونزکی اسمگلنگ کی کوشش ناکام بنادی گئی۔

تفصیلات کے مطابق کسٹمز حکام نے کراچی ایئرپورٹ پر موبائل فونز کی اسمگلنگ کی کوشش ناکام بناتے ہوئے 2مسافروں کو گرفتار کرلیا۔

کسٹمزحکام نے بتایا کہ دبئی سے پہنچنے والے مسافر شہزوراور سہیل امین کو گرفتار کرکے سامان سے موبائل فونز برآمد کیے گئے۔

حکام کا کہنا تھا کہ سامان سے 28 موبائل، 2 لیپ ٹاپ، 50سوٹ، پانی کی 40بوتلیں برآمد ہوئیں، جن کی مالیت 64 لاکھ 51 ہزار روپے سے زائد ہے۔

حکام نے کہا کہ دونوں مسافروں کیخلاف کسٹمزایکٹ کے تحت مقدمہ درج کرلیا گیا ہے۔