لاہور: ماڈل ایان علی نے علامہ اقبال انٹرنیشنل ایئرپورٹ پر پی آئی اے عملے سے جھگڑا کیا، عملے نے ایان علی کو تاخیر سے پہنچنے پر جہاز میں بیٹھنے سے روکا تھا۔
تفصیلات کے مطابق ماڈل ایان علی پی آئی اے کی پرواز پی کے 313 سے کراچی جانے کے لیے علامہ اقبال انٹرنیشنل ایئرپورٹ پہنچیں تو انھیں تاخیر سے پہنچنے پر پی آئی اے کے عملے نے جہاز میں سوار کرنے سے منع کردیا، جس پر ایان علی سیخ پا ہوگئیں اورعملے سے جھگڑا کیا۔
پی آئی اے کی پرواز ماڈل ایان علی کو چھوڑ کر کراچی روانہ ہوگئی اور ماڈل ایان علی ائیرپورٹ پر ہنگامہ آرائی کے بعد واپس چلی گئیں۔
