اسلام آباد : ملک بھر میں465ماڈل کورٹس نے آج مجموعی طور پر949مقدمات کا فیصلہ سنا دیا، چار مجرمان کو پھانسی جبکہ16 کو عمرقید کی سزا سنائی گئی، عدالتوں نے گواہان کے بیانات بھی قلمبند کیے۔
تفصیلات کے مطابق پاکستان بھرکی ماڈل کورٹس میں مقدمات کی تیز ترین سماعتیں جاری ہیں، جمعہ کو ملک بھر میں قائم465ماڈل کورٹس نے مجموعی طور پر949 مقدمات کے فیصلے سنائے جبکہ182ماڈل کریمنل ٹرائل کورٹس نے قتل،منشیات کے184مقدمات کافیصلہ سنایا۔
عدالتوں نے چار مجرمان کو سزائے موت جبکہ16کو عمر قید کی سزائیں سنائیں، فیصلوں کے مطابق مجموعی طور پر47مجرمان کو92سال قید اور7778900 روپے جرمانے کی سزا دی گئی۔
اس کے علاوہ125سول ایپلٹ کورٹس نے366دیوانی، فیملی اور رینٹ اپیلوں کے فیصلے کیے،158ماڈل مجسٹریٹس عدالتوں نے399مقدمات کے فیصلے کردیے جس میں مجموعی طور پر121مجرمان کو74سال قید اور 2102021روپے جرمانے کی سزا سنائی گئی۔
