اسلام آباد : ملک بھر میں373ماڈل کورٹس نے آج مجموعی طور پر458مقدمات کا فیصلہ سنا دیا، ایک مجرم کو پھانسی جبکہ15 کو عمرقید کی سزا سنائی گئی، عدالتوں نے گواہان کے بیانات قلمبند کیے۔

تفصیلات کے مطابق پاکستان کی ماڈل کورٹس میں مقدمات کی تیز ترین سماعت کا سلسلہ جاری ہے، جمعہ کو ملک بھر میں قائم 373ماڈل کورٹس نے مجموعی طور پر458 مقدمات کے فیصلے سنائے۔

ذرائع کے مطابق167ماڈل کورٹس نے قتل اور منشیات کے104مقدمات کا فیصلہ سنایا،96سول ایپلٹ ماڈل کورٹس نے172دیوانی، فیملی اور رینٹ اپیلوں کے فیصلے کیے۔167ماڈل کورٹس نے قتل اور منشیات کے104مقدمات کا فیصلہ سنایا۔

تمام عدالتوں نے1مجرم کوسزائے موت جبکہ15کو عمرقید کی سزا سنائی، اس کے علاوہ 24مجرمان کو87سال قید اور34379700 روپے جرمانے کی سزا سنائی گئی۔ 110ماڈل مجسٹریٹس عدالتوں نے182مقدمات کے فیصلے کیے،47مجرمان کو14سال قید اور217000روپے جرمانہ کی سزا سنائی گئی۔