بھارت کی ماڈل دیویا پاہوجا قتل کیس میں بھارتی کرائم برانچ کو بڑی کامیابی مل گئی، قتل میں ملوث مبینہ ملزم کو گرفتار کر لیا گیا۔
بھارتی میڈیا رپورٹس کے سابق ماڈل دیویا پاہوجا کے قتل میں ملوث چوتھے ملزم بلراج گل کو گزشتہ روز مغربی بنگال کے کولکتا سے گرفتار کیا گیا ہے۔
پولیس کا کہنا ہے کہ مبینہ طور پر بلراج گل نے سابق ماڈل کی لاش کو اپنے ساتھی روی بنگا کے ساتھ ملکر دریا میں پھینکا تھا۔
بھارت میں ماڈل قتل، ویڈیو سامنے آگئی
پولیس کے مطابق بلراج گل 10 دن پہلے دیویا کی لاش کے ساتھ بی ایم ڈبلیو کار میں فرار ہوا تھا، بلراج گل پر 50 ہزار روپے کا انعام تھا۔
رپورٹ کے مطابق اس کے علاوہ گروگرام پولیس نے بلراج گل کے بیرون ملک فرار ہونے کے امکان کے پیش نظر ایک دن پہلے ہی اس کے لیے لک آؤٹ سرکلر جاری کیا تھا۔
گروگرام پولیس نے مزید بتایا کہ قتل کے اہم ملزم ابھیجیت، اوم پرکاش کو میگھا نامی لڑکی کے ساتھ پہلے ہی گرفتار کیا جاچکا ہے۔ مذکورہ دو مطلوب ملزمان کی گرفتاری کے لیے مختلف ٹیمیں تعینات کی گئی جس کے بعد بلراج گل کو گرفتار کیا گیا۔
واضح رہے کہ رواں ماہ کے آغاز میں 27 سالہ دیویا پاہوجا کو گڑگاؤں کے ایک ہوٹل میں سر پر گولی مار کر قتل کر دیا گیا تھا۔
ماڈل دیویا پاہوجا کو ایک ملزم کے مبینہ مقابلے میں ہلاکت کے کیس میں 7 سال جیل میں گزارنے کے بعد جون 2023ء میں بمبئی ہائی کورٹ نے ضمانت پر رہا کیا تھا۔
