The news is by your side.

Advertisement

سانحہ ماڈل ٹاؤن میں جو ہوا وہ ناانصافی ہے: رانا مشہود

لاہور: پاکستان مسلم لیگ ن کے رہنما رانا مشہود نے سانحہ ماڈل ٹاؤن کیس کے سلسلے میں کہا ہے کہ ماڈل ٹاؤن میں جو ہوا وہ ناانصافی ہے، ماضی میں قوم کے ساتھ جھوٹ پر جھوٹ بولے گئے۔

ان خیالات کا اظہار انہوں نے اے آر وائی نیوز کے پروگرام الیونتھ آور میں گفتگو کرتے ہوئے کیا، رانا مشہود کا کہنا تھا کہ ماڈل ٹاؤن کو نوگو ایریا کیوں بنایا گیا اس کی بھی تحقیقات ہونی چاہیے۔

انہوں نے کہا کہ ماڈل ٹاؤن میں ہزاروں افراد کو کیوں جمع کیا گیا تھا؟ پولیس نیچے موجود تھی، گولیاں اونچائی سے چلائی گئیں۔

لیگی رہنما کا کہنا تھا کہ سانحہ ماڈل ٹاؤن پر پولیس کے بیانات اور زخمی بھی موجود ہیں، اس سانحے میں جو قتل ہوئے ان کو انصاف ضرور ملنا چاہیے۔

سانحہ ماڈل ٹاؤن: جے آئی ٹی رپورٹ سے غائب صفحات کی تحقیقات کرائیں گے، شہریار آفریدی

رانا مشہود کا کہنا تھا کہ سانحہ ماڈل ٹاؤن میں جائے وقوع پر موجود لوگوں کی نااہلی سامنے آئی تھی، سانحہ ماڈل ٹاؤن کی اطلاع میڈیا سے معلوم ہوئی تھی۔

ان کا مزید کہنا تھا کہ واقعے کی اطلاع ملتے ہی پولیس سے رابطہ کیا تھا، رابطے پر پولیس کی جانب سے بتایا گیا ہم پر فائرنگ ہورہی ہے۔

Comments

comments

یہ بھی پڑھیں