The news is by your side.

Advertisement

ٹرمپ اور مودی کا ٹیلیفونک رابطہ، امریکی صدر کا کشمیر پر تناؤ کم کرنے پر زور

واشنگٹن: امریکی صدر ڈونلڈ ٹرمپ اور بھارتی وزیراعظم مودی کے درمیان ٹیلیفونک رابطہ ہوا ہے، امریکی صدر نے مودی کو مسئلہ کشمیر پر تناؤ کم کرنے پر زور دیا۔

تفصیلات کے مطابق امریکی صدر ڈونلڈ ٹرمپ اور بھارتی وزیراعظم کے درمیان ٹیلیفونک گفتگو ہوئی، وائٹ ہاؤس کا کہنا ہے کہ دونوں رہنماؤں نے کشمیر سمیت دو طرفہ علاقائی معاملات پر تبادلہ خیال کیا۔

وائٹ ہاؤس کے مطابق ٹیلیفونک رابطہ سلامتی کونسل کے جموں و کشمیر پر خصوصی اجلاس کے بعد ہوا ہے، بات چیت میں خطے میں دہشت گردی، تشدد سے پاک ماحول تشکیل دینے پر غور کیا گیا۔

رپورٹ کے مطابق بھارتی وزیراعظم نریندر مودی نے پاکستان کا نام لیے بغیر کہا کہ بھارت کسی بھی ملک سے تعاون کے لیے تیار ہے۔

مزید پڑھیں: وزیر اعظم کا صدر ٹرمپ کو ٹیلی فون، مقبوضہ کشمیر کی صورت حال پر تبادلہ خیال

بھارتی وزیراعظم نریندر مودی نے امریکی صدر ڈونلڈ ٹرمپ کو افغانستان کے لیے تعاون کی یقین دہائی کرائی۔

واضح رہے کہ چند روز قبل وزیراعظم عمران خان نے سلامتی کونسل اجلاس سے قبل امریکی صدر ڈونلڈ ٹرمپ سے ٹیلیفونک رابطہ کیا تھا، دونوں رہنماؤں کے درمیان مقبوضہ کشمیر کی صورت حال پر تبادلہ خیال ہوا تھا۔

اس موقع پر وزیر اعظم عمران خان نے بھارت کے غاصبانہ اقدامات، انسانی حقوق کی خلاف ورزیوں سے آگاہ کیا، وزیراعظم نے مقبوضہ کشمیر کے حوالے سے پاکستانی مؤقف سے آگاہ کیا تھا۔

Comments

comments

یہ بھی پڑھیں