ناگپور: کانگریس پارٹی کے سربراہ ملکارجن کھڑگے نے مودی سرکار کی پالیسیوں پر تنقید کرتے ہوئے کہا ہے کہ بی جے پی بھارت میں جمہوریت کو ختم کر دے گی۔
ملکارجن کھڑگے نے ناگپور میں ایک جلسہ عام سے خطاب کرتے ہوئے کہا کہ اگر غلطی سے بی جے پی دوبارہ اقتدار میں آئی تو آئین اور جمہوریت کو تباہ کردے گی اور دوبارہ انتخابات نہیں ہوں گے۔
بھارت میں لوک سبھا انتخابات سے قبل کانگریس پارٹی کے سربراہ ملکارجن کھڑگے نے حکمران بھارتیہ جنتا پارٹی پر کڑی تنقید کرتے ہوئے کہا کہ بی جے پی سے ملک میں جمہوریت کو خطرہ لاحق ہے۔ انھوں نے اپوزیشن کے 23 لیڈروں کی بی جے پی میں شمولیت پر کڑی تنقید کرتے ہوئے کہا کہ یہ لیڈر اس وقت بھی بدعنوان تھے جب یہ ہمارے ساتھ تھے اور اب وہ بی جے پی میں شامل ہو گئے ہیں۔
کانگریس سربراہ نے کہا کہ مودی جی نے ان لیڈروں کو دھمکا کر بی جے پی میں شامل کروایا ہے، جنھیں مودی جی چور کہتے تھے آج وہ ان کی گود میں بیٹھے ہیں۔
2 لاکھ بھارتیوں کے سوشل میڈیا اکاؤنٹس بند
ملکارجن کھڑگے نے کہا کانگریس ملک کے آئین کو بچانے کی جنگ لڑ رہی ہے، کانگریس کی لڑائی مودی اور بی جے پی سے نہیں بلکہ اس ملک کے آئین کو بچانے اور جمہوریت کو برقرار رکھنے کے لیے ہے، کانگریس چاہتی ہے کہ سب کو یکساں مواقع ملیں اور سب متحد رہیں۔
