واشنگٹن: بھارت میں مذہبی انتہا پسندی اور اقلیت کے حقوق کی پامالی سے متعلق سوال پر بھارتی وزیر اعظم مودی پریشان ہوگئے۔
رپورٹ کے مطابق دورہ امیرکا کے دروان بھارتی وزیر اعظم نریندر مودی کو ہزیمت کا سامنا ہے پریس کانفرنس کے دوران مذہبی انتہا پسندی اور اقلیت کے حقوق کی پامالی سے متعلق سوال پر بھارتی وزیر اعظم مودی پریشان ہوگئے۔
صحافی کے سوال پر اپنی ڈھٹائی کو برقرار رکھتے ہوئے بھارتی وزیراعظم مودی نے بھارت میں مذہبی امتیاز کی تردید کردی۔
بھارتی وزیر اعظم مودی نے کہا کہ بھارت میں مذہبی امتیازکی کوئی جگہ نہیں ہے، صحافی نے پھر سوال پوچھا کہ مسلمانوں سمیت دیگر اقلیتوں کے حقوق اور آزادی اظہار کو بہتر بنانے کیلئے کیا اقدام کرینگے؟
بھارتی وزیراعظم نے جواب دیا مسلمانوں اور قلیتوں کے حقوق بہتر کرنے کی ضرورت نہیں ہے، ہماری حکومت نے ثابت کردیا ملک میں جمہوریت ہے۔
غیر ملکی میڈیا کے مطابق صدر بائیڈن نے بھی وائٹ ہاوس میں ملاقات میں بھارتی وزیراعظم سے انسانی حقوق کی خلاف ورزیوں کا معاملہ اٹھایا ہے۔
اس کے علاوہ امریکی کمیشن برائے مذہبی آزادی کے سربراہ ڈیوڈ کری نے بھی بائیڈن سے مودی کیساتھ اقلیتوں کی مخدوش صورتحال اٹھانےکا مطالبہ کیا ہے۔
