The news is by your side.

Advertisement

صوبوں کی وفاق سے مسافروں کی ٹیسٹنگ کے بجائے صرف اسکریننگ کی درخواست

اسلام آباد : صوبوں نے وفاق سے مسافروں کی ٹیسٹنگ کے بجائے صرف اسکریننگ کی درخواست کرتے ہوئے کہا مسافروں کوگھرمیں 2ہفتہ لازمی قرنطینہ کی ہدایت کی جائے۔

تفصیلات کے مطابق وزیراعظم کے معاون خصوصی معیدیوسف کی زیرصدارت این سی اوسی میں خصوصی اجلاس ہوا ، جس میں بیرون ملک پھنسے پاکستانیوں کی واپسی پر تبادلہ خیال کیا گیا۔

صوبوں نے وفاق سےمسافروں کی ٹیسٹنگ کےبجائےصرف اسکریننگ کی درخواست کرتے ہوئے کہا مسافروں کوگھرمیں 2ہفتہ لازمی قرنطینہ کی ہدایت کی جائے۔

ذرائع کا کہنا ہے کہ بیرون ملک سےآنےوالےتمام مسافروں کاٹیسٹ کیاجارہاہے، اس معاملےپرحتمی فیصلہ آنےوالےدنوں میں کیاجائےگا۔

مزید پڑھیں : بیرون ملک سے آنیوالے مسافروں کیلئے نئی پالیسی کا اعلان

یاد رہے معاون خصوصی ڈاکٹر معید یوسف نے بیرون ملک سے آنیوالے مسافروں کیلئے نئی پالیسی کا اعلان کرتے ہوئے کہا تھا کہ ٹیسٹنگ کے عمل کو مزید تیز کر دیا گیا ہے، 10جون تک 20ہزار مسافروں کووطن واپس لایا جائے گا، پچھلے مرحلے کے مقابلے میں 10ہزارسے زائد مسافروں کو لایا جائے گا۔

معاون خصوصی نے کہا تھا کہ مسافروں کی آمد پر ان کا ٹیسٹ کیا جائے گا، ٹیسٹ نتائج کا انتظار کئے بغیرمسافر سیلف آئسولیشن اختیار کرسکتے ہیں ، جس کے بعد انہیں ٹریک اینڈ ٹریس سسٹم میں شامل کیا جائے گا۔

ان کا کہنا تھا کہ صوبائی حکومت مسافر کی صحت،حفاظت یقینی بنانے کیلئےاقدامات کرے ، اس پالیسی کو مزید نرم کرنے کی خوشخبری جلد دی جائے گی۔

Comments

یہ بھی پڑھیں