اسلام آباد: قومی سلامتی کے مشیر معید یوسف نے بھارت میں اپنی پاکستانی ہائی کمشنر تعیناتی کی تردید کرتے ہوئے خبر کو من گھڑت اور بے بنیاد قرار دے دیا۔
تفصیلات کے مطابق قومی سلامتی کے مشیر معید یوسف نے سماجی رابطے کی ویب سائٹ ٹوئٹر پر بھارت میں اپنی پاکستانی ہائی کمشنر تعیناتی کی تردید کرتے ہوئے کہا میرے حوالےسے شائع خبر من گھڑت اوربےبنیاد ہے، آج کل کچھ خبریں بغیر کسی تصدیق کے شائع کردی جاتی ہیں، خبرلگانےسے پہلے یہ تو دیکھ لیں اس کی کوئی منطق بھی ہےکہ نہیں۔
I know its too much to ask for a news story to be fact checked before publication these days. But at least the story shouldn’t defy all logic. It is totally made up and baseless. https://t.co/veuaU8VcXE
— Moeed W. Yusuf (@YusufMoeed) March 25, 2021
خیال رہے ذرائع کے حوالے سے خبریں گردش کررہی تھیں ، جس میں معید یوسف کو بھارت میں بطورپاکستانی ہائی کمشنر تعیناتی کے لیے فیورٹ امیدوار قرار دیا تھا۔
واضح رہے یوسف کو دسمبر 2019 میں قومی سلامتی سے متعلق وزیر اعظم کا معاون مقرر کیا گیا تھا۔ وہ پہلے واشنگٹن ڈی سی میں امریکی انسٹی ٹیوٹ آف پیس میں ایشیاء سنٹر کے ایسوسی ایٹ نائب صدر تھے۔
