انگلینڈ کے کرکٹر معین علی نے ٹیسٹ کرکٹ سے ریٹائرمنٹ واپس لے لی جس کے بعد انہیں ٹیم انتظامیہ کی جانب سے انگلینڈ کے ایشز اسکواڈ میں شامل کر لیا گیا ہے۔
رپورٹ کے مطابق کرکٹر معین علی نے کہا کہ جیک لیچ کی انجری کے بعد مجھ سے ریٹائرمنٹ واپس لینے کے لیے رابطہ کیا گیا تھا۔
تاہم کرکٹر نے انگلش کپتان بین اسٹوکس، کوچ اور منیجنگ ڈائریکٹر سے بات چیت کے بعد آج ٹیسٹ کرکٹ میں واپسی پر رضامندی ظاہر کردی ہے۔
معین علی کو ایجبسٹن اور لارڈز میں ایشز کے پہلے دو ٹیسٹ کے لیے انگلینڈ کی ٹیم میں شامل کیا گیا ہے۔
واضح رہے کہ معین علی نے ستمبر 2021 میں بھارت کے خلاف انگلینڈ کی سیریز کے بعد ٹیسٹ کرکٹ سے ریٹائرمنٹ لے لی تھی جس کے بعد سے انہوں نے کوئی فرسٹ کلاس میچ نہیں کھیلا ہے۔
واضح رہے کہ 35 سالہ معین علی نے 67 ٹیسٹ میچز میں 2914 رنز بنائے اور 195 وکٹیں حاصل کی ہیں۔
