The news is by your side.

Advertisement

معین علی نے ٹیسٹ کرکٹ سے ریٹائرمنٹ کا اعلان کر دیا

انگلش ٹیم کے آل راؤنڈر معین علی نے ٹیسٹ کرکٹ سے ریٹائرمنٹ کا اعلان کر دیا۔

بیٹنگ اور بولنگ میں اپنی دھاک بٹھانے والے معین علی نے ٹیسٹ کرکٹ سے ریٹائرمنٹ لے کر وائٹ بال اور ‏فرنچائز کرکٹ جاری رکھنے کا فیصلہ کیا ہے۔

معین علی نے 64 ٹیسٹ میں انگلینڈ کی نمائندگی کرتے ہوئے2 ہزار 914 رنز بنائے اور 195وکٹیں بھی لیں۔

آل راؤنڈر نے ریٹائرمنٹ سے متعلق فیصلے سے کپتان جوروٹ اور کوچ کو آگاہ کر دیا ہے۔ انہوں نے اپنا آخری ‏ٹیسٹ میچ حال ہی میں بھارت کے خلاف ہوم سیریز میں کھیلا تھا۔


2019ایشز کے بعد سے وہ ٹیسٹ کرکٹ زیادہ نہ کھیل سکے تاہم بھارت کے خلاف ہوم سیریز میں انہیں واپس بلایا ‏گیا اور انہوں نے دو ٹیسٹ کھیلے۔

انگلش آل راؤنڈر نے وائٹ بال کو اپنا مستقبل بنایا ہے وہ ٹی ٹوئنٹی ورلڈکپ کے لیے انگلش اسکواڈ کا حصہ بھی ‏ہیں۔

ان کا کہنا ہے کہ چونتیس سال کا ہوگیا ہوں اور جنتی کرکٹ کھیل سکتا ہوں انجوائے کرتے ہوئے کھیلنا چاہتا ہوں ‏امید ہے میرے بعد مزید مسلمان کرکٹر بھی انگلینڈ کی نمائندگی کریں گے۔

Comments

یہ بھی پڑھیں