انگلینڈ ٹیم کے آل راؤنڈر معین علی نے حال ہی میں ٹیسٹ کرکٹ سے ریٹائرمنٹ واپس لی ہے وہ ایشز سیریز انگلش ٹیم کی نمائندگی کریں گے۔
انگلش کرکٹر معین علی نے پریس کانفرنس میں انکشاف کیا کہ بین اسٹوکس نے ایشیز سیریز کھیلنے سے متعلق رابطہ کیا تھا جس پر میں نے ’لول‘ کہہ کر جواب دیا تھا۔
ای ایس پی این کرکٹ انفو نے بھی بین اسٹوکس کی واٹس ایپ پوسٹ شیئر کی ہے جس میں وہ معین علی سے پوچھتے ہیں کہ ایشیز؟
معین علی جواب میں ’لول‘ کہتے ہیں۔
How Moeen Ali responded when Ben Stokes first messaged about the Ashes 😅 pic.twitter.com/wJvnM9xBpg
— ESPNcricinfo (@ESPNcricinfo) June 13, 2023
واضح رہے کہ آل راؤنڈر معین علی جیک لیچ کے انجرڈ ہونے کے بعد ٹیسٹ کرکٹ میں واپسی کے لیے تیار ہیں۔معین کو ٹیسٹ میچوں سے ریٹائرمنٹ پر نظر ثانی کرنے پر راضی کرنے کے لیے بین اسٹوکس کا ایک لفظی رابطہ کافی تھا۔
35 سالہ کرکٹر نے بتایا کہ صرف اسٹوکس ہی انہیں قائل کرسکتے تھے، اور شروع میں، میں نے سوچا کہ اسٹوکس مذاق کر رہے ہیں لیکن جب میں نے لیچ کی انجری کے بارے میں خبر سنی تو پھر ان کے ساتھ بات چیت کی۔
Moeen Ali's response when Ben Stokes first approached him about an Ashes comeback: "lol" 😂 pic.twitter.com/qIy8Jf6Btx
— ESPNcricinfo (@ESPNcricinfo) June 13, 2023
واضح رہے کہ معین علی نے ستمبر 2021 میں بھارت کے خلاف انگلینڈ کی سیریز کے بعد ٹیسٹ کرکٹ سے ریٹائرمنٹ لے لی تھی جس کے بعد سے انہوں نے کوئی فرسٹ کلاس میچ نہیں کھیلا ہے۔
یاد رہے کہ 35 سالہ معین علی نے 67 ٹیسٹ میچز میں 2914 رنز بنائے اور 195 وکٹیں حاصل کی ہیں۔
