پاکستانی فاسٹ بولر محمد عامر نے ٹی ٹوئنٹی کرکٹ میں اہم سنگ میل عبور کرلیا، پیسر نے 350 وکٹوں کا ہندسہ عبور کرلیا۔
لیفٹ ہینڈ پیسر محمد عامر ٹی ٹوئنٹی کرکٹ میں 350 وکٹیں اپنے نام کرنے والے تیسرے پاکستانی بولر بنے، انھوں نے آج کیربیئن پریمیئر لیگ کے دوران یہ اعزاز حاصل کیا، محمد عامر نے انٹیگا اینڈ باربادوا کی جانب سے گیانا کے خلاف 2 وکٹیں اپنے نام کیں اور اس سنگ میل تک پہنچے۔
اب وہ پاکستان کے ان تجربہ کار باؤلرز کی صف میں شامل ہو گئے ہیں جو 350 سے زائد وکٹیں حاصل کرچکے ہیں۔
- Advertisement -
باؤلرز کے اس ایلیٹ کلب میں وہاب ریاض 413 وکٹوں کے ساتھ سرفہرست ہیں جبکہ سہیل تنویر 389 وکٹیں لے کر دوسرے نمبر پر ہیں۔
قومی اور بین الاقوامی سطح پر ٹی ٹوئنٹی کرکٹ میں محمد عامر اپنا ایک مقام رکھتے ہیں اور یہ کامیابی عامر کی صلاحیتوں کو اجاگر کرتی ہے۔
