ہمبنٹوٹا: قومی ٹیم کے فاسٹ بولر محمد عامر نے لنکا پریمیئر لیگ میں تباہی مچادی۔
تفصیلات کے مطابق قومی کرکٹ ٹیم کے فاسٹ بولر محمد عامر نے لنکا پریمیئر لیگ میں شاندار بولنگ کرتے ہوئے 5 کھلاڑیوں کو پویلین کی راہ دکھائی۔
عامر لنکا پریمیئر لیگ میں گال گلیڈی ایٹرز کی نمائندگی کررہے ہیں، فاسٹ بولر نے 4 اوورز میں 26 رنز دے کر 5 وکٹیں حاصل کیں۔
میچ میں کولمبو کنگز نے پہلے بیٹنگ کرتے ہوئے 171 رنز بنائے، 172 رنز کا ہدف گال گلیڈی ایٹرز نے باآسانی 2 وکٹوں کے نقصان پر حاصل کرلیا، گلیڈی ایٹرز کی ایونٹ میں یہ پہلی کامیابی ہے۔
.@iamamirofficial TAKES A FIVE-WICKET HAUL 💥
The @GalleGladiators pacer bowled a scorching spell against Colombo Kings to register the best bowling figures in the tournament 🙌#LPL2020 #WinTogether #CKvGG pic.twitter.com/9ZUJSXldmG
— Cricingif (@_cricingif) December 7, 2020
واضح رہے کہ لنکا پریمیئر لیگ میں کی گال گلیڈی ایٹرز کی ٹیم 5 میچز کھیل چکی ہے اور کسی میچ میں بھی انہیں کامیابی نہیں ملی۔
اس سے قبل اعظم خان نے 24 گیندوں پر 58 رنز کی اننگز کھیلی تھی ، ان کی دھواں دار اننگز بھی رائیگاں چلی گئی تھیں اور ٹیم کو شکست کا سامنا کرنا پڑا تھا۔
Following five defeats, Galle Gladiators get their first points of #LPL2020 with a commanding win against the Colombo Kings!
— ESPNcricinfo (@ESPNcricinfo) December 7, 2020
واضح رہے کہ گال گلیڈی ایٹرز میں محمد اعظم، محمد عامر اور احسن خان ملکی نمائندگی کررہے ہیں جبکہ شاہد خان آفریدی اس سے قبل ذاتی ایمرجنسی کی بنا پر لیگ چھوڑ کر وطن پہنچ گئے تھے۔
