لارڈز: پاکستان اور انگلینڈ کے درمیان چار میچز کی سیریز کا پہلا ٹیسٹ کل سے لارڈز میں شروع ہوگا،سچن ٹنڈولکر نے کہا ہے کہ عامر انگلینڈ کے خلاف کچھ اسپیشل کرے گا۔
ماسٹربلاسٹر سچن ٹنڈولکر محمدعامرکی حمایت میں سامنے آگئے بھارتی کرکٹ ٹیم کے لیجنڈ نے کہا کہ عامرکی واپسی سے کوئی مسلہ نہیں، عامر انگلینڈ کے خلاف کچھ اسپیشل کرے گا، سچن ٹنڈولکر عامر کاانٹرویو سناہے جس میں اس نے متاثر کیا۔
کل ہونے والے میچ میں پاکستانی ٹیم انگلینڈ پر دھاوا بولنے کے لئے تیار ہے جبکہ کھلاڑیوں کی تیاریاں بھی مکمل ہیں، دوہزار دس کے بعد لارڈز کا میدان پھر میزبان بنے گا، قومی ٹیم کا سفر جہاں ختم ہوا تھا وہیں سے دوبارہ شروع ہوگا، لارڈز میں کنڈیشنز فاسٹ بولرز کے لئے سازگار ہوں گی، دونوں ٹیمیں پیس اٹیک سے حملہ کریں گی۔
کرکٹ ماہرین کے مطابق پاکستان کا ہتھیار محمد عامر ہوں گے جبکہ محمد عامر کاساتھ دینے کے لئے بالنگ میں یاسر شاہ ہوں گے، بیٹنگ میں مصباح الحق، یونس خان اور اظہر علی پر انحصار ہوگا تاہم اوپنرز سے بھی کافی امیدیں وابستہ ہیں۔
دوسری جانب جیمز اینڈرسن کی عدم موجودگی میں انگلینڈ کا پیس اٹیک بھی مضبوط ہے، اسٹورٹ براڈ، اسٹیون فن میچ کا پانسہ پلٹ سکتے ہیں، لارڈز کے تاریخی میدان میں جنگ اعصاب کی ہوگی، اب دیکھنا یہ ہے کہ ایکشن سے بھرپور پہلے امتحان میں کون لے بازی جاتا ہے ۔