پاکستان ٹیم کے فاسٹ بولر محمد عامر نے زندگی کی انتیس بہاریں دیکھ لیں، آئی سی سی سمیت کرکٹرز کی جانب سے کراچی کنگز کے مایہ ناز بولر کو ڈھیر ساری خوشیوں کے پیغامات۔
تفصیلات کے مطابق قومی کرکٹ ٹیم کے فاسٹ بولر اور پی ایس ایل میں کراچی کنگز کی نمائندگی کرنے والے محمد عامر آج اپنی 29ویں سالگرہ منارہے ہیں، وہ قومی ٹیم کے اہم رکن اور کراچی کنگز کے کامیاب ترین بولر ہیں۔
آئی سی سی نے کرکٹر محمد عامر کو سالگرہ کی مبارک باد دی ہے اور اپنے آفیشل ٹوئٹر ہینڈل سے جاری ٹوئٹ میں آئی سی سی نے لکھا کہ پاکستان کے لئے 147 میچز کھیلنے والے،ٹیسٹ کرکٹ میں پانچ وکٹیں حاصل کرنے والے کم عمر بولر اور ٹی ٹوئنٹی ورلڈکپ کے فاتح ٹیم کے رکن کو سالگرہ مبارک۔
🇵🇰 147 matches for Pakistan
🖐️ The third-youngest player to take a Test five-for
🏆 @T20WorldCup and Champions Trophy winnerHappy 29th birthday to @iamamirofficial! 🥳 pic.twitter.com/maMPaBgh5F
— ICC (@ICC) April 13, 2021
آئی سی سی کے علاوہ سابق کپتان سرفراز احمد اور اظہر علی سمیت کئی کرکٹرز نے عامر کو سالگرہ کی مبارکباد دی ہے، سابق کپتان قومی کرکٹ ٹیم سرفراز احمد نے محمد عامر کیلئے سالگرہ کا منفرد پیغام دیا۔
Happy birthday babu khush rahen Hamesha ❤️🙌@iamamirofficial pic.twitter.com/PWKGF9VIz1
— Sarfaraz Ahmed (@SarfarazA_54) April 12, 2021
سوشل میڈیا سائٹ ٹوئٹر پر جاری پیغام میں سرفراز احمد نے محمد عامر کے ہمراہ ایک تصویر شیئر کرتے ہوئے کہا کہ ’ہیپی برتھ ڈے بابو، انہوں نے اپنے پیغام میں دعائیہ کلمات بھی لکھے۔ جس کے جواب میں عامر نے سرفراز احمد کو بابو کہہ کر ہی مخاطب کیا اور ان کا شکریہ ادا کیا۔
thanks babu😇😇😇
— Mohammad Amir (@iamamirofficial) April 12, 2021
پی سی بی نے عامر کی 29 ویں سالگرہ کے موقع پر ان کی شاندار بولنگ کی ویڈیو شئیر کی۔
https://twitter.com/TheRealPCB/status/1381821696898912256?s=20
دلوں کی بادشاہ کراچی کنگز نے بھی محمد عامر کو ان کی 29 ویں سالگرہ پر مبارک باد پیش کی ہے۔
Happy Birthday to our 👑 #KingPacer #MohammadAmir 🎂 🎉
Have a great one 👍🏻#KarachiKings #BirthdayBash #YehHaiKarachi #ChampionsKaKarachi @iamamirofficial pic.twitter.com/d6ok4BXhBv— Karachi Kings (@KarachiKingsARY) April 12, 2021
بائیں ہاتھ سے بولنگ کرنے والے محمد عامر پنجاب کے شہر گوجر خان کی تحصیل چنگا بنگیال میں 13 اپریل 1992 کو پیدا ہوئے، محمد عامر نے کرکٹ میں اپنے کیریئر کا آغاز سال 2009 میں سری لنکا کےخلاف ون ڈے اور ٹیسٹ سیریز میں کیا جبکہ 2009 میں ہی انگلینڈ کےخلاف ٹی ٹوئنٹی سیریز میں ڈیبیو کیا۔
اگست 2010 میں محمد عامر کو اسپاٹ فکسنگ اسکینڈل میں گرفتار بھی کیا گیا جس کے بعد فاسٹ بولر پر 5 سال کی پابندی لگائی گئی۔
جنوری 2015 میں محمد عامر کو ڈومیسٹک کرکٹ کھیلنے کی اجازت ملی اور اسی سال بنگلہ دیش پریمیئر لیگ کا حصہ بنے، جبکہ 2016 میں نیوزی لینڈ کےخلاف سیریز میں پاکستان ٹیم میں واپسی ہوئی۔