قومی ٹیم کے سابق فاسٹ بولر محمد عامر نے اپنے پسندیدہ کپتان کا نام بتا دیا۔
نجی ٹی وی کے پروگرام میں سابق فاسٹ بولر محمد عامر، عماد وسیم اور عبدالرزاق شریک ہوئے جس دوران انہوں نے ورلڈ کپ کے میچز سے متعلق گفتگو کی۔
ایک سوال کے جواب میں محمد عامر نے سرفراز احمد کو اپنا پسندیدہ کپتان قرار دیا۔
دوسری جانب آسٹریلیا کے خلاف افغانستان کی شکست پر عماد وسیم نے کہا کہ میکسویل نے ون ڈے کی تاریخ کی بہترین اننگز کھیلی جبکہ قومی ٹیم میں اسپنر کی کمی ہے۔
سابق آل راؤنڈر عبدالرزاق نے کہا کہ آسٹریلیا افغانستان میچ ورلڈ کپ کا تاریخی میچ تھا اس دوران میسکویل کپتان کو گائیڈ کررہا تھا۔
واضح رہے کہ گزشتہ روز آسٹریلیا نے میکسویل کی ناقابل شکست ڈبل سنچری کی بدولت افغانستان سے ہارا ہوا میچ جیت لیا تھا، 92 رنز پر 7 کھلاڑی آؤٹ ہونے کے بعد گلین میکسویل نے شاندار 201 رنز کی اننگز کھیلی، انہیں میچ کا بہترین کھلاڑی قرار دیا گیا تھا۔
