پاکستان کے محمد آصف نے سارک اسنوکر چیمپئن شپ میں کامیابی حاصل کرلی۔
کولمبو میں کھیلے گئے سارک اسنوکر چیمپئن شپ کے فائنل میں پاکستان کے محمد آصف نے سری لنکن کیوئسٹ کو شکست دی، انہوں نے حریف کھلاڑی کے خلاف پانچ صفر سے کامیابی حاصل کی۔
واضح رہے کہ تیسری سارک چیمپئن شپ میں محمد آصف ناقابل شکست رہے۔
- Advertisement -
گزشتہ روز دوسرے سیمی فائنل میں ورلڈ امیچر اسنوکر چیمپئن پاکستان کے محمد آصف کا مقابلہ ہم وطن نسیم اختر سے تھا، بیسٹ آف نائن فریم پر مشتمل سیمی فائنل میں محمد آصف نے پانچ تین کے فریم اسکور سے فتح سمیٹی۔
نسیم اختر نے ساتویں فریم میں 102کا سنچری بریک بھی کھیلا لیکن وہ تجربہ کار محمد آصف کے سامنے نہ ٹھہر سکے۔
اس سے قبل کھیلے گئے پہلے سیمی فائنل میں سری لنکا کے طحٰہ عشرت نے نیپال کے انکت مان کو تین کے مقابلے میں پانچ فریم سے مات دی۔
