لندن : قومی کرکٹ ٹیم کے آل راؤنڈر محمد حفیظ کا باؤلنگ ایکشن ٹیسٹ برطانیہ میں آئی سی سی کی منظور شدہ بائیو میکنک لیب میں ہوگیا۔
تفصیلات کے مطابق آئی سی سی کی ہدایت پر آل راونڈرمحمد حفیظ نے آئی سی سی کی منظور شدہ لیب سے بائیو مکینک ٹیسٹ کرالیا ہے۔ ٹیسٹ کی رپورٹ دو ہفتے میں جاری کی جائے گی۔
قومی کرکٹ ٹیم کے اسٹار کھلاڑی محمد حفیظ اگر ٹیسٹ کلئیر کرلیتے ہیں تو وہ بین الاقوامی میچز میں باؤلنگ جاری رکھ سکیں گے۔
محمد حفیظ کا کہنا ہے کہ ایکشن کلئیر ہونے کے بعد انہوں نے اس میں کوئی تبدیلی نہیں کی ہے۔ امید ہے باؤلنگ ایکشن ٹیسٹ کی رپورٹ مثبت آئے گی۔
محمد حفیط باؤلنگ ٹیسٹ کے لیےانگلینڈ روانہ
خیال رہے کہ سری لنکا کے خلاف تیسرے ون ڈے میں آئی سی سی نے محمد حفیظ کے باؤلنگ ایکشن کو مشکوک قرار دیا تھا اور انہیں 14 دن کے اندر بائیو مکینک ٹیسٹ کی ہدایت کی تھی۔
ٰیاد رہے کہ محمد حفیظ کا باؤلنگ ایکشن پہلی مرتبہ 2014 میں رپورٹ ہوا تھا اور اس کے بعد انہیں ایک سال تک باؤلنگ پر پابندی کا سامنا بھی رہا لیکن گزشتہ سال نومبر میں پابندی سے چھٹکارا حاصل کرنے والے 37 سالہ آل راؤنڈر کا ایکشن ایک مرتبہ پھر رپورٹ ہوا ہے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
