دبئی: انٹرنیشنل کرکٹ کونسل (آئی سی سی) نے محمد حفیظ کی کرائی گئی گیند کو ایک بار پھر مزاحیہ کیپشن کے ساتھ شیئر کروادیا۔
تفصیلات کے مطابق آئی سی سی نے ورلڈ کپ 2019 میں قومی کرکٹ ٹیم کے آل راؤنڈر محمد حفیظ کی کرائی گئی گیند ایک بار پھر مزاحیہ کیپشن کے ساتھ شیئر کردی۔
آئی سی سی نے سماجی رابطے کی ویب سائٹ ٹویٹر پر لکھا کہ ’بڑی خبر یہ ہے کہ حفیظ کی کرائی گئی گیند ناسا نے چاند پر ڈھونڈ لی ہے۔
We already know what @NASA‘s big announcement is…
They’ve located the Hafeez moonball! 🌕 pic.twitter.com/vcdGW2DrKh
— ICC (@ICC) October 26, 2020
سوشل میڈیا پر آئی سی سی کی جانب سے شیئر کردہ ویڈیو وائرل ہوگئی اور شائقین کرکٹ کی جانب سے اس پر مزاحیہ تبصرے کرنے کا سلسلہ جاری ہے۔
مذکورہ ویڈیو کو 9 ہزا ر سے زائد سوشل میڈیا صارفین نے پسند کیا اور متعدد صارفین نے اسے ری ٹویٹ کیا۔
واضح رہے کہ ورلڈ کپ 2019 میں پاکستان اور بنگلہ دیش کے میچ کے دوران محمد حفیظ سے بولنگ کے دوران گیند ہاتھ سے چھوٹ گئی تھی۔
یاد رہے کہ قومی کرکٹ ٹیم ورلڈ کپ 2019 میں رن ریٹ کی بنیاد پر سیمی فائنل کھیلنے سے محروم رہی تھی، ورلڈ کپ انگلینڈ نے پہلی مرتبہ نیوزی لینڈ کو شکست دے کر اپنے نام کیا تھا۔
