The news is by your side.

محمد عرفان کے ہاں ننھے مہمان کی آمد

قومی کرکٹ ٹیم کے فاسٹ بولر محمد عرفان کے ہاں ننھے مہمان کی آمد ہوئی ہے۔

سماجی رابطے کی ویب سائٹ ٹویٹر پر قومی ٹیم کے قد آور فاسٹ بولر محمد عرفان نے مداحوں کو بیٹے کی پیدائش کی اطلاع دی۔

عرفان نے نومولود کی تصویر شیئر کرتے ہوئے لکھا کہ ’اللہ پاک نے اپنی رحمت سے بیٹا عطا کیا، الحمدللہ۔

فاسٹ بولر نے مداحوں سے دعاؤں کی اپیل کی اور لکھا کہ ’اللہ اس کے نصیب اچھے کرے اور اس سے انسانیت کی بھلائی کے کام لے۔آمین۔‘

انہیں بیٹے کی پیدائش پر ساتھی کرکٹرز اور مداحوں کی جانب سے مبارک باد کے پیغامات بھیجے جارہے ہیں اور نومولود کو دعائیں بھی دی جارہی ہیں۔

واضح رہے کہ محمد عرفان ٹیسٹ، ون ڈے اور ٹی ٹوینٹی انٹرنیشنل میچز میں ملکی نمائندگی کرچکے ہیں۔

Comments

یہ بھی پڑھیں