ایڈلیڈ: نسیم شاہ کے بعد پاکستان نے ایک اور نوجوان فاسٹ بولر محمد موسیٰ کو ٹیسٹ ڈیبیو کروا دیا۔
تفصیلات کے مطابق محمد موسیٰ ٹیسٹ ڈیبیو کرنے والے کم عمر نوجوان کھلاڑیوں میں شامل ہوگئے، موسیٰ کو لیجنڈری فاسٹ بولر وسیم اکرم نے ٹیسٹ کیپ دی، اس موقع پر نوجوان کھلاڑی بہت خوش دکھائی دیے، انہوں نے خوشی کا اظہار کرتے ہوئے ملک کا نام روشن کرنے کا عزم کیا۔
محمد موسیٰ کا کہنا تھا کہ وسیم اکرم سے کیپ لینے کی بہت خوشی ہے، کوشش کروں گا امیدوں پر پورا اتروں اور اچھی بولنگ کروں، قومی کرکٹ ٹیم کے لیے کھیلنا میرے لیے کسی اعزاز سے کم نہیں ہے۔
Pacer @iMusaKhan receives his Test cap from the legendary fast bowler @WasimAkramLive. #AUSvPAKhttps://t.co/C73yoV2Gqh pic.twitter.com/B8QSbldSAT
— Pakistan Cricket (@TheRealPCB) November 29, 2019
نسیم شاہ نے آسٹریلوی سرزمین پر تاریخ رقم کردی
نوجوان بولر کا یہ بھی کہنا تھا کہ میں نے ایک بڑے کھلاڑی سے ٹیسٹ کیپ حاصل کی ہے، میں ضرور توقعات پر پورا اتروں گا۔ محمد موسیٰ ٹیسٹ کیپ حاصل کرنے والے پاکستان کے 238 ویں کرکٹر ہیں۔
خیال رہے کہ نسیم شاہ آسٹریلیا میں ڈیبیو کرنے والے دنیا کے سب سے کم عمر کرکٹر ہیں، پاکستان ٹیم کے باصلاحیت بولر نسیم شاہ نے 16 سال اور 279 دن کی عمر میں ڈیبیو کرکے آسٹریلیا کے آئن کریگ کا ریکارڈ توڑا، نسیم شاہ سے قبل آئن کریگ نے 17 سال 239 دن کی عمر میں آسٹریلوی سرزمین پر ڈیبیو کیا تھا۔
0
20
