قومی ٹیم کے فاسٹ بولر محمد عامر نے دوبارہ ریٹائمنٹ کے فیصلے کے خبروں کی تردید کردی۔
اے آر وائی نیوز کے مطابق ذرائع محمد عامر کا کہنا ہے کہ فاسٹ بولر نے دوبارہ ریٹائرمنٹ کے فیصلے کی تردید کردی ہے، ان کا کہنا ہے کہ ریٹائرمنٹ سے متعلق ابھی کوئی فیصلہ نہیں کیا۔
اس سے قبل خبریں گردش کررہی تھیں کہ پاکستانی ٹیم کے فاسٹ بولر محمد عامر اور عماد وسیم بہت جلد دوبارہ ریٹائرمنٹ کا اعلان کریں گے۔
محمد عامر اور عماد وسیم اپنا آخری میچ آئرلینڈ کے خلاف کھیل کر ریٹائرمنٹ کا اعلان کردیں گے۔
سوشل میڈیا پر زیر گردش خبر میں کہا گیا تھا کہ دونوں کرکٹرز کی جانب سے جلد ریٹارئرمنٹ کا باقاعدہ اعلان کیا جائے گا اور پھر اُسے کے بعد عامر ، عماد صرف لیگ کرکٹ کھیلیں گے۔
واضح رہے کہ ٹی 20 ورلڈ کپ سے قبل محمد عامر اور عماد وسیم نے ریٹائرمنٹ واپس لینے کا اعلان کیا تھا جس کے بعد انہیں قومی ٹیم کا حصہ بنایا گیا تھا۔
