آئی سی سی ورلڈ کپ میں جنوبی افریقہ کے خلاف میچ کے دوران قومی کرکٹ ٹیم کے بیٹر و کیپر محمد رضوان نے اہم سنگ میل عبور کرلیا۔
وکٹ کیپر و بیٹر محمد رضوان نے چنئی میں پاکستان اور جنوبی افریقہ کے درمیان آئی سی سی ورلڈ کپ 2023 کے میچ کے دوران ون ڈے میں 2000 رنز مکمل کرلیے، انہوں نے یہ کارنامہ انجام دینے کے لیے 65 اننگز کھیلیں۔
آج کے میچ میں محمد رضوان نے 31 رنز بنائے، وکٹ کیپر کو ساؤتھ افریقہ کے کوٹزی نے آؤٹ کیا، تاہم اس وقت قومی ٹیم 6 وکٹ کے نقصان پر 239 رنز بنا چکی ہے۔
- Advertisement -
میچ سے قبل محمد رضوان نے گفتگو کرتے ہوئے کہا تھا کہ ہماری فیلڈنگ ایکسپوز ہوگئی، افغانستان کیخلاف شکست کو بھولنا بہت مشکل ہے۔
قومی وکٹ کیپر محمد رضوان کہتے ہیں کہ پریکٹس میں سب نے فیلڈنگ پر بہت کام کیا ہے، امید ہے ٹیم کم بیک کرے گی۔
