پاکستان کے کپتان محمد رضوان کا کہنا ہے کہ تین سے چار اوور میں گیم تبدیل ہوگیا۔
نیوزی لینڈ اور پاکستان کے درمیان ون ڈے سیریز کا پہلا میچ نیپیئر میں کھیلا گیا جہاں پاکستان کرکٹ ٹیم کے کپتان محمد رضوان نے ٹاس جیت کر نیوزی لینڈ کو بیٹنگ کی دعوت دی۔
میزبان نیوزی لینڈ نے مقررہ 50 اوورز میں 9 وکٹوں کے نقصان پر 344 رنز بنائے، کیویز کی اننگز میں مارک چیپمین 132 کی شاندار اننگز کھیلی اور نمایاں رہے۔
نیوزی لینڈ کے 345 رنز کے ہدف کے تعاقب میں پاکستان کی جانب سے اننگز کا آغاز اوپنر عبد اللہ شفیق اور عثمان خان نے کیا تاہم اوپننگ پارٹنر شپ ٹیم کیلئے زیادہ رنز بنانے میں ناکام رہی۔
تاہم میچ کے بعد میڈیا سے گفتگو کرتے ہوئے محمد رضوان نے کہا کہ آغاز اچھا تھا لیکن فنش نہ کرسکے، تین سے چار اوور میں گیم تبدیل ہوگیا۔
انہوں نے کہا کہ ہدف کے تعاقب میں گئے لیکن وکٹیں گرنے سے دباؤ بڑھا، ٹیم کو جلد غلطیوں سے سیکھنا ہوگا۔
واضح رہے کہ پہلے ون میں پاکستان کی جانب سے عاکف جاوید، محمد علی اور عثمان خان ڈیبیو کیا تھا۔
نیوزی لینڈ نے پاکستان کو 5 میچز کی ٹی ٹوئنٹی سیریز میں1-4 سے شکست دی تھی۔
