سڈنی: نیشنل ٹی 20 کپ میں محمد رضوان نے سپر مین کیچ پکڑ کر آسٹریلوی اخبار کو بھی چکرا دیا۔
تفصیلات کے مطابق گزشتہ روز سندھ کے خلاف میچ میں محمد رضوان وکٹ کیپر کی بجائے فیلڈنگ کرتے ہوئے دکھائی دئیے اور جب انور علی نے 19ویں اوورز میں چھکا لگانے کی ناکام کوشش کی تو محمد رضوان بھاگتے ہوئے آئے اور مشکل کیچ پکڑ کر انور علی سمیت کمنٹیٹر کو بھی حیران کردیا۔
محمد رضوان کے کیچ کے چرچے آسٹریلیا میں بھی ہونے لگے، آسٹریلوی اخبار نے غلطی سے رضوان کے کیچ کو آئی پی ایل سے جوڑ دیا۔
آسٹریلوی اخبار نے نیشنل ٹی ٹوینٹی کپ کی بجائے انڈین پریمیئر لیگ لکھا اور ہیڈنگ دی کہ ’سپر مین کیچ۔‘
یاد رہے کہ سندھ کی ٹیم کو اس وقت 12 گیندوں پر 28 رنز درکار تھے اور انور علی 33 رنز کے ساتھ کریزپر موجود تھے، رضوان کے کیچ کی بدولت سندھ کی ٹیم کو دھچکا لگا۔
What a grab this was by Mohammad Rizwan! 🤯 pic.twitter.com/lbDQdql3Ko
— ICC (@ICC) October 13, 2020
تاہم انور علی کے ساتھ دوسری اینڈ پر کھڑے دانش عزیز نے میچ وننگ اننگز کھیل کر سندھ کو یقینی شکست سے بچالیا اور میچ کا ٹرننگ پوائنٹ بننے والا رضوان کا ناقابل یقین کیچ بھی خیبرپختونخوا کو شکست سے نہ بچاسکا۔
