پاکستان کے بیٹنگ کوچ محمد یوسف نے نیوزی لینڈ سے پہلے ون ڈے میں شکست کا ملبہ بولرز پر ڈال دیا۔
نیوزی لینڈ اور پاکستان کے درمیان ون ڈے سیریز کا پہلا میچ نیپیئر میں کھیلا گیا جہاں پاکستان کرکٹ ٹیم کے کپتان محمد رضوان نے ٹاس جیت کر نیوزی لینڈ کو بیٹنگ کی دعوت دی تھی۔
میزبان نیوزی لینڈ نے مقررہ 50 اوورز میں 9 وکٹوں کے نقصان پر 344 رنز بنائے، کیویز کی اننگز میں مارک چیپمین 132 کی شاندار اننگز کھیلی اور نمایاں رہے۔
نیوزی لینڈ کے 345 رنز کے ہدف کے تعاقب میں پاکستان کی جانب سے اننگز کا آغاز اوپنر عبد اللہ شفیق اور عثمان خان نے کیا تاہم اوپننگ پارٹنر شپ ٹیم کیلئے زیادہ رنز بنانے میں ناکام رہی۔
یہ پڑھیں: پہلا ون ڈے، نیوزی لینڈ نے پاکستان کو 73 رنز سے شکست دیدی
بیٹنگ کوچ محمد یوسف نے کہا کہ ایکسٹرا رنز دیں گے تو میچ کیسے جیتیں گے۔
انہوں نے کہا کہ اسپیشلسٹ بولر کھلاتے تو نتیجہ مختلف ہوتا، لگ رہا تھا جیت جائیں گے لیکن بابر کے آؤٹ ہوتے ہی پانسہ پلٹ گیا۔
انہوں نے کہا کہ بولرز کو اضافی رنز لٹانے پر جلد قابو پانا ہوگا۔
