قومی ٹیم کے سابق کپتان محمد حفیظ نے پنجاب کے ضمنی انتخابات میں پی ٹی آئی کی کامیابی پر اپنے خیالات کا اظہار کیا۔
سماجی رابطے کی ویب سائٹ ٹوئٹر پر جاری بیان میں محمد حفیظ نے کہا کہ ‘پاکستان کی عوام نے ضمنی الیکشن میں اپنی سیاسی پختگی اور آگاہی پر فیصلہ دیا ہے’۔
کرکٹر نے پاکستان تحریک انصاف کے چیئرمین عمران خان کو مبارکباد پیش کرتے ہوئے لکھا کہ ‘عمران خان اور ان کے سیاسی کارکنان کو مبارک ہو’۔
انہوں نے کہا کہ ‘اب دیکھنا یہ ہے کہ ہمارے سیاسی لیڈرز ان نتائج کو کیسے لیتے ہیں’۔
محمد حفیظ کا کہنا تھا کہ ‘ایک مرتبہ پھر آپ پر ایک بھاری ذمہ داری ہے کہ پاکستان کے لوگوں کے لیے کچھ کیا جائے’۔
People of Pakistan given a strong verdict on their political awareness & maturity in #Elections2022. Let’s see how our political leaders wil take this result. Congratulations @ImranKhanPTI & all his political workers. Once again big responsibility to deliver for the people of 🇵🇰
— Mohammad Hafeez (@MHafeez22) July 18, 2022
یاد رہے کہ پنجاب اسمبلی کی 20 نشستوں پر ہونے والے ضمنی انتخابات کے نتائج کے مطابق پاکستان تحریک انصاف 16 اور مسلم لیگ (ن) نے 3 نشستوں پر کامیابی حاصل کرلی جب کہ ایک نشست آزاد امیدوار کے حصے میں آئی۔
