The news is by your side.

Advertisement

سعودی ولی عہد کے طیارے کو ایف 16 اور جے ایف 17 تھنڈر نے فضا میں سلامی دی

راولپنڈی: سعودی ولی عہد شہزادہ محمد بن سلمان کا طیارہ جیسے ہی پاکستانی فضائی حدود میں داخل ہوا اُسے جے ایف 17 تھنڈر اور ایف 16 طیاروں نے حصار میں لے کر سلامی دی۔

تفصیلات کے مطابق سعودی ولی عہد جیسے ہی پاکستان کے دو روزہ دورے پر پاکستانی حدود میں داخل ہوئے، ان کے طیارے کو ایئر فورس کے مشاق طیاروں نے فضا میں سلامی دی۔

ایئر فورس کے 6 طیاروں نے فضا میں شاہی طیارے کو حصار میں لیا، تین طیاروں نے دائیں، تین نے بائیں جانب سے طیارے کو حصار میں لیے رکھا۔

نور خان ائیر بیس پر سعودی ولی عہد کا طیارہ اتر نے کے بعد شہزادہ محمد بن سلمان کا ریڈ کارپٹ استقبال کیا گیا۔

یہ بھی پڑھیں:  سعودی ولی عہد کو پاک فضائیہ کا شیر دل اسکواڈرن سلامی دے گا: ذرائع

بعد ازاں وزیرِ اعظم عمران خان خود گاڑی ڈرائیو کرتے ہوئے معزز شاہی مہمان کو وزیرِ اعظم ہاؤس لے گئے، جہاں مہمانوں کے تعارف کے بعد ولی عہد نے پودا بھی لگایا۔

Comments

comments

یہ بھی پڑھیں