The news is by your side.

Advertisement

سانحہ مہمند: وزیر اعلیٰ کے پی کا جاں بحق مزدوروں کے لواحقین کیلئے امدادی پیکج میں اضافے کا اعلان

پشاور : وزیر اعلیٰ خیبر پختونخواہ محمود خان نے مہمند حادثے میں جاں بحق افراد کے لواحقین کے لیے امدادی پیکج 5 لاکھ سے بڑھا کر 9 لاکھ کر دیا جبکہ زخمیوں کو ایک لاکھ روپے فی کس امداد دی جائے گی۔

تفصیلات کے مطابق وزیر اعلیٰ خیبر پختونخواہ محمود خان نے مہمند حادثہ کے متاثرین کے لیےامدادی پیکج میں اضافے کا اعلان کردیا ، جس کے بعد جاں بحق افراد کے لواحقین کے لیے امدادی پیکج 5 لاکھ سے بڑھا کر 9 لاکھ کر دیا گیا جبکہ حادثے میں زخمیوں کو ایک لاکھ روپے فی کس امداد دی جائے گی۔

وزیراعلیٰ کےپی محمود خان نے کہا کہ آزمائش کی گھڑی میں متاثرین کو تنہا نہیں چھوڑیں گے، اس دلخراش واقعہ پر پوری قوم افسردہ ہے، زخمیوں کو مفت طبی سہولتیں دی جا رہی ہیں۔

محمود خان نے ریسکیو آپریشن میں مقامی کمیونٹی کے تعاون پر شکریہ ادا کیا۔

اس سے قبل وزیراعلی خیبرپختونخوا نےجاں بحق مزدوروں کے لواحقین کو پانچ لاکھ اور زخمیوں کو ایک لاکھ روپے دینے کااعلان کیا تھا، وزیر محنت شوکت یوسفزئی کاکہنا تھا کہ لیبرڈیپارٹمنٹ کی جانب سے بھی مزدوروں کی مدد کی جائے گی۔

خیال رہے سانحہ مہمند میں ماربل کی کان بیٹھنے سے جاں بحق افراد کی تعداد بائیس ہوگئی ہے جبکہ چھ سے سات افراد تاحال لاپتہ ہیں، جن کی تلاش کیلئے آپریشن جاری ہے۔

ملبےتلےدبےافرادکو نکالنے کیلئےپاک فوج،ریسکیو اہلکاروں اورمقامی افراد آپریشن میں شامل ہیں جبکہ حادثے میں زخمی نو افراد مختلف اسپتالوں میں زیرعلاج ہیں۔

Comments

یہ بھی پڑھیں