جمعرات, جولائی 25, 2024
اشتہار

اووربلنگ سے متاثرہ صارفین کے لیے ریلیف ، اہم خبر آگئی

اشتہار

حیرت انگیز

اسلام آباد: وزیرداخلہ محسن نقوی نے پروٹیکٹیڈ صارفین کو ریلیف دینے کیلئے ڈسکوز کا ڈیٹا طلب کرتے ہوئے ایف آئی اے ڈائریکٹرز کو تمام شواہد جمع کرنے کا ٹاسک دے دیا۔

تفصیلات کے مطابق وزیرداخلہ محسن نقوی کی زیر صدارت وزارت داخلہ میں اجلاس ہوا ، جس میں اوور بلنگ کے ایشو کا جائزہ لیا گیا۔

اجلاس میں ایف آئی اے حکام نے اوور بلنگ پر بریفنگ دی، وفاقی وزیرداخلہ نے پروٹیکٹیڈصارفین کو نان پروٹیکٹیڈ کیٹگری میں شامل کرنے پرتشویش کا اظہار کیا اور پروٹیکٹیڈ صارفین کو ریلیف دینے کیلئے ڈسکوز کا ڈیٹا طلب کرلیا۔

- Advertisement -

محسن نقوی نے 3 روز میں ایف آئی اے ڈائریکٹرز کو تمام شواہد جمع کرنے کا ٹاسک دیتے ہوئے کہا ایف آئی اے کے ڈائریکٹرز ڈسکوز کے ڈیٹا کو چیک کرکے رپورٹ پیش کریں۔

وزیرداخلہ نے پاکستان بھر کے ڈائریکٹرز ایف آئی اے کوپروڈیٹا سسٹم کا ریکارڈ جمع کرنے کا حکم دیتے ہوئے کہا کہ تمام شواہد کی جامع رپورٹ وزیراعظم کو پیش کی جائے گی۔

وفاقی وزیرداخلہ کا کہنا تھا کہ ایڈیشنل ڈی جی ایف آئی اےنارتھ خودپشاور،لاہور،گوجرانوالہ،فیصل آبادجائیں، ایڈیشنل ڈی جی ایف آئی اےخود جاکر صورتحال کا جائزہ اور ڈیٹا جمع کریں۔

انھوں نے کہا کہ پروٹیکٹیڈ صارفین سے زیادتی کا ازالہ کرنا ضروری ہے، تمام شواہد کا جائزہ لے کر ذمہ داران کا تعین کیا جائے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں