واشنگٹن: پاکستان کرکٹ بورڈ (پی سی بی) کے چیئرمین محسن نقوی نے کہا ہے کہ فٹبال کی عالم تنظیم فیفا کے صدر نے جلد پاکستان آنے کا وعدہ کیا ہے۔
چیئرمین پی سی بی محسن نقوی نے سوشل میڈیا پر فیفا کے صدر گیانی انفانٹینو سے ملاقات کی تصویر شیئر کی ہے، ٹوئٹ میں انہوں نے بتایا کہ واشنگٹن میں فیفا کے صدر سے ملاقات ہوئی۔
Washington DC : Had an excellent meeting with FIFA President Gianni Infantino. We discussed the immense potential of sports in Pakistan — especially the growing popularity of football following cricket. Extended a warm invitation to visit Pakistan, which he graciously accepted… pic.twitter.com/DB8p6yJZF8
— Mohsin Naqvi (@MohsinnaqviC42) June 20, 2025
چیئرمین پی سی بی نے لکھا کہ فیفا کے صدر گیانی انفینٹینو سے ہونیوالی ملاقات خوشگوار رہی، پاکستان میں کھیلوں کے بے پناہ ٹیلنٹ کی موجودگی پر تبادلہ خیال ہوا۔
محسن نقوی نے کہا کہ کرکٹ کے بعد فٹبال پاکستان میں مقبولیت کا حامل کھیل ہے، چیئرمین پی سی بی نے فیفا پریذیڈنٹ کو پاکستان کے دورےکی دعوت دی۔
چیئرمین پی سی بی محسن نقوی نے بتایا کہ گیانی انفینٹینو نے دورہ پاکستان کی دعوت قبول کی اور وہ جلد آئیں گے۔
