اسلام آباد : وزیراعظم کے مشیر راناثنااللہ کا کہنا ہے کہ محسن نقوی کو وزارت داخلہ اورچیئرمین پی سی بی میں سے کسی ایک عہدے کا انتخاب کرنا ہوگا۔
تفصیلات کے مطابق مشیربین الصوبائی رابطہ راناثنااللہ نے اے آر وائی نیوز کو خصوصی انٹرویو میں محسن نقوی کے ایس ایچ او والے بیان پر کہا کہ ایس ایچ اووالی بات محسن نقوی سے’سلپ آف ٹنگ‘ہوئی ہوگی، قانون نافذکرنیوالےادارےبلوچستان میں کام کررہےہیں،ایس ایچ او والابیان غلط ہے۔
مشیربین الصوبائی رابطہ کا کہنا تھا کہ وزارت داخلہ، چیئرمین پی سی بی کے عہدے فل ٹائم جاب ہیں، وزارت داخلہ یا چیئرمین پی سی بی میں سے محسن نقوی کون سی پوزیشن رکھنا چاہتے ہیں یہ فیصلہ ان کو خود کرنا
ہے۔
انھوں نے بے بسی کا اظہار کرتے ہوئے کہا کہ پاکستان میں کھیلوں کا برا حال اس لیے ہے کہ اسپورٹس کی ہر باڈی پر میرٹ کیخلاف بااثر شخص بیٹھا ہے اور اوروہ میرٹ پرنہیں۔
سیاسی مشیر نے مزید کہا کہ جسےکوئی جگہ نہیں ملتی وہ اپنی طاقت سےاتنی ہی اچھی اسپورٹس باڈی پر آجاتا ہے، یہ اتنےطاقتورہیں کہ اگرمیں نےاسٹینڈ لیاتو اسٹینڈ ہی گھم ہوجائے گا۔
