ملتان : شناختی کارڈ بنوانے والوں کے لیے بڑا اعلان کردیا گیا ، جس سے شہریوں کی مشکل آسان ہوگئی۔
تفصیلات کے مطابق وزیرداخلہ محسن نقوی صبح لاہور،شام میں کوئٹہ اوراب رات میں ملتان پہنچے، ملتان کے کچہری چوک میں نادرا سینٹر کا اچانک دورہ کیا۔
شہریوں نے شکایت کی کہ نادرا سینٹرمیں قطاریں، اے سی کی بندش، انتظار اور تاخیر معمول ہے، صرف ٹوکن کے حصول کیلئے 4 سے 5 گھنٹے انتظار کرنا پڑتا ہے۔
وزیرداخلہ نے شہریوں کی شکایات کا فوری نوٹس لیتے ناردا سینٹر 24 گھنٹے کھلا رکھنے کا اعلان کردیا۔
محسن نقوی نے کچہری چوک نادراسینٹرکوبہترمقام پرمنتقل کرنےکاحکم دے دیا، شہری نے گفتگو میں کہا کہ ب فارم بنانے آیاہوں،4 گھنٹے ہوگئے، آپ سےبہت امیدیں وابستہ ہیں،اللہ اپنی حفاظت میں رکھے آپ نے پہلے بھی کام کرکےدکھایاہےاوراب بھی کررہے ہیں۔
ان کا کہنا ہے کہ آپ کی دعائیں چاہئیں، ان شااللہ سسٹم کو بہتر بنائیں گے، آپ کی آسانی کیلئے نادرا سینٹرز کے دورے کررہا ہوں۔
