کراچی: پاکستان سپر لیگ میں اسلام آباد یونائیٹڈ کی جانب سے کھیلنے والے بیٹر اعظم خان کی کوئٹہ گلیڈی ایٹرز کے خلاف اننگز پر ان کے والد معین خان کا ردعمل آیا ہے۔
گزشتہ روز ایچ بی ایل پی ایس ایل کے میچ میں اسلام آباد کی جانب سے کھیلنے والے اعظم خان کی دھواں دھار بیٹنگ نے ان کی ٹیم کی جیت میں اہم کردار ادا کیا۔
میچ کے بعد شاداب اور اعظم خان جب گراؤنڈ سے نکلے تو سامنے معین خان کھڑے تھے جو ان دونوں کی جانب بڑھے۔
شاداب نے کوئٹہ گلیڈی ایٹرز کے معین خان سے سوال کیا کہ ‘معین بھائی آپ خوش ہیں یا غم میں ہیں؟ جواب میں سابق کرکٹر نے کہا ففٹی ففٹی ہوں، شاداب نے کہا نہیں آپ ففٹی ففٹی نہیں ہوسکتے’۔
شاداب نے کہا ‘ مجھے لگتا ہے آپ 70 اور 30 ہیں، مجھے لگتا ہے آپ 70 فیصد بیٹے کی پرفارمنس کے باعث خوش ہیں’۔
واضح رہے کہ گزشتہ روز فٹنس کی وجہ سے تنقید کا شکار رہنے والے اعظم خان نے کوئٹہ گلیڈی ایٹرز کے خلاف 8 چھکوں اور 9 چوکوں کی مدد سے 42 گیندوں پر 97 رنز کی شاندار اننگز کھیلی۔
