نئی دہلی: بھارتی ریاست اترپردیش میں لاک ڈاؤن کی وجہ سے متاثر ہونے والے بندروں نے تھانے کا گھیراؤ کر کے اپنا مطالبہ منوا لیا۔
بھارتی میڈیا رپورٹ کے مطابق اترپردیش کے ضلع لکیم پور کھیری میں بھوکے بندروں نے تھانے کا گھیراؤ کیا جس کے بعد پولیس کی ایک ٹیم نے انہیں کھانا فراہم کیا۔
انٹرنیٹ پر بھوکے بندروں کو کھانا کھانے کی ویڈیو وائرل ہوئی تو صارفین نے پولیس کے کردار کو سراہا۔
پولیس آفیسر کا کہنا تھا کہ چند روز قبل میں گھر واپس جارہا تھا تو راستے میں بھوکے بندروں کو دیکھا، مجھے اُن پر رحم آگیا جس کے بعد میں نے انہیں روزانہ کھانا ڈالنے کا فیصلہ کیا۔
مزید پڑھیں: کرونا وائرس، تھائی لینڈ کے سیکڑوں بندر بھوک سے تڑپنے لگے، ویڈیو وائرل
یہ بھی پڑھیں: بھارت لاک ڈاؤن، ایسا حیران کن واقعہ جو انسان نے شاید ہی دیکھا، ویڈیو وائرل
انہوں نے بتایا کہ دو تین روز کھانا ڈالنے کے بعد میری ذمہ داریاں بڑھ گئی تھیں جس کی وجہ سے بندر بھوکے تھے۔
’ میں اندر بیٹھا تھا تو آوازیں آنا شروع ہوئیں، جب باہر آکر دیکھا تو تھانے کے باہر بہت سارے بندر جمع تھے جو بھوک سے بلک رہے تھے‘۔
پولیس آفیسر نے بتایا کہ ہم نے یہ صورت حال دیکھنے کے بعد فوری طور پر کھانے کا انتظام کیا اور بندروں کو ابلے ہوئے گُڑ کے چاول ڈالے جو انہوں نے بہت مزے سے کھائے۔
Watch | UP Police officials feed a troop of hungry monkeys amid #CoronavirusLockdown. pic.twitter.com/TzyTeAVZPE
— NDTV (@ndtv) April 16, 2020
ویڈیو میں دیکھا جاسکتا ہے کہ بھوک سے نڈھال بندر ایک دوسرے سے کھانا چھین پر اپنا پیٹ بھرنے کی کوشش کررہے ہیں۔
یاد رہے کہ بھارت میں ہونے والے لاک ڈاؤن میں تین مئی تک توسیع کردی گئی ہے، عوام کے گھروں میں محدود رہنے سے سڑکوں پر گھومنے والے جانور (گائے، کتے، بلیاں، بندر) کو کھانا معمول کے مطابق مل نہیں پارہا جس کی وجہ اُن کا برا حال ہے۔
