پاکستانی ڈرامہ انڈسٹری کی معروف اداکارہ مومل خالد کی مزاحیہ ویڈیو وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ مومل خالد نے دلچسپ ویڈیو شیئر کی جسے ان کے مداحوں کی جانب سے خوب سراہا جارہا ہے۔
دلچسپ ویڈیو شیئر کرتے ہوئے مومل خالد نے کیپشن میں لکھا کہ ’میں غریب ہوا کرتی تھی۔‘
اداکارہ ویڈیو لپ سنکنگ میں کہہ رہی ہیں کہ ’پہلے میں بہت غریب ہوا کرتی تھی پھر ایک دن میرے بوائے فرینڈ نے گھر سے چوری کرکے پیسے لاکر دیے پھر کاروبار شروع کیا۔‘
مومل مزید کہتی ہیں کہ ’جب میں امیر ہوئی تو سوچا کہ مجھے چور سے شادی کرنی چاہیے۔‘
View this post on Instagram
انہوں نے چند گھنٹوں قبل یہ ویڈیو شیئر کی جسے اب تک ہزاروں صارفین دیکھ چکے ہیں اور اس پر دلچسپ تبصرے بھی کررہے ہیں۔
مومل خالد کے انسٹاگرام فالوورز کی تعداد ہزاروں میں ہے جبکہ وہ چند افراد کو فالو کررہی ہیں۔
واضح رہے کہ مومل خالد مختلف ڈراموں میں اداکاری کے جوہر دکھا چکی ہیں جن میں جانے کیوں، گڑیا رانی نمایاں ہیں۔ اس سے قبل انہوں نے مشرقی لباس میں تصاویر شیئر کی تھیں جس میں انہیں خوشگوار موڈ میں دیکھا جاسکتا ہے۔
2017 میں مومل خالد اور عثمان پٹیل رشتہ ازدواج میں منسلک ہوئے اور ان کا ایک بیٹا ہے۔
