پاکستان شوبز انڈسٹری کی معروف اداکارہ مومل شیخ نے کہا ہے کہ ہمارا خاندان کپور فیملی جیسا ہے۔
پاکستان کی معروف اداکارہ مومل شیخ تجربہ کار اسٹار جاوید شیخ کی بیٹی ہیں، ان کا پورا خاندان شوبز انڈسٹری سے وابستہ ہے اور سب اس انڈسٹری میں اپنا نام بنانے میں کامیاب ہو گئے، مومل شیخ نے شادی کے بعد انڈسٹری میں شروعات کی اور اب وہ ایک جانا پہچانا چہرہ بھی ہیں۔
اداکارہ مومل شیخ نے حال ہی میں اشنا شاہ کے شو میں شرکت کی جہاں انہوں نے گفتگو کے دوران اپنے خاندان کو بھارتی کپور فیملی سے تشبیہ دے دی۔
مومل شیخ نے دورانِ گفتگو کہا کہ ہمارا خاندان پاکستانی انٹرٹینمنٹ انڈسٹری میں ویسا ہی ہے جیسے بھارت میں کپور فیملی ہے، ہماری فیملی کپوروں کی طرح طرح کامیاب اور شہرت رکھتے ہیں۔
مومل شیخ کا کہنا ہے کہ جاوید شیخ اور سلیم شیخ بھائی ہیں، اسی طرح بہروز سزواری میرے پھوپھا ہیں، اگر دیکھیں تو شیخ فیملی اور سبزواری فیملی پاکستانی شوبز انڈسٹری میں اسی طرح ہیں جس طرح بالی ووڈ میں کپور فیملی ہے۔
انہوں نے یہ بھی کہ کہا کہ شہرت کے باوجود بھی والد اور سلیم چاچا کبھی کپورز کی طرح برتاؤ نہیں کرتے، کوئی اقرباء پروری نہیں ہے اور وہ کسی کو کبھی کام کے لیے کوئی کال نہیں کرتے، ہم نے انڈسٹری میں اپنی جگہ خود بنائی ہے۔
