شوبز انڈسٹری کی معروف اداکارہ مومنہ اقبال کی ایک ویڈیو سوشل میڈیا پر وائرل ہورہی ہے، جس میں وہ ایک شو کے دوران بے اختیار رو پڑیں۔
فوٹو اور ویڈیو شیئرنگ ایپ انسٹاگرام پر ایک ویڈیو وائرل ہورہی ہے، جس میں اداکارہ مومنہ اقبال نجی ٹی وی کے مزاحیہ پروگرام میں شریک ہیں۔
اس دوران مومنہ اقبال حساس موضوع پر گفتگو کرتے ہوئے آبدیدہ ہوگئیں۔ انہوں نے کہا کہ جب آپ کسی کے ساتھ وقت گزارتے ہیں اور خدا نخواستہ آپ کی طلاق یا علیحدگی ہوجاتی ہے تو بعد اس میں اس پر انگلی نہ اُٹھائیں۔
View this post on Instagram
مومنہ اقبال نے کہا کہ ہم لوگوں کے پاس ٹائپنگ کرنے کے لئے بہت وقت ہے، انہوں نے کہا کہ ایک دوسرے کی عزت نفس کا خیال رکھیں اور علیحدگی اختیار کرنے کے بعد سوشل میڈیا پر ایک دوسرے کے خلاف بات نہ کریں۔
مومنہ اقبال اس گفتگو کے دوران آبدیدہ ہوگئیں، اداکارہ کی جانب سے کی گئی گفتگو پر سوشل میڈیا صارفین کی جانب سے ملے جلے رد عمل کا اظہار کیا جارہا ہے۔
اس سے قبل شوبز انڈسٹری کی معروف اداکارہ مومنہ اقبال کی تصاویر سوشل میڈیا پر وائرل ہوگئیں تھیں۔
فوٹو اور ویڈیو شیئرنگ ایپ انسٹاگرام پر اداکارہ مومنہ اقبال نے تصاویر شیئر کیں تھیں جس میں انہیں سنجیدگی کا تاثر دیتے دیکھا جاسکتا ہے۔
View this post on Instagram
ایک تصویر میں مومنہ موبائل فون تھامے ہوئے ہیں۔
مومنہ اقبال نے تصاویر شیئر کرتے ہوئے کیپشن میں لکھا کہ ’ادھیرے سے بچیں اور آپ روشنی بن جائیں گے۔‘
واضح رہے کہ اے آر وائی ڈیجیٹل کے ڈرامہ سیریل ’احسان فراموش‘ میں مومنہ اقبال نے ’فلک‘ کا منفی کردار نبھایا تھا۔
ڈرامے کی دیگر کاسٹ میں ہمایوں اشرف، مشال خان، سلمان سعید، دانیہ انور، عتیقہ اوڈھو، حمیرا اصغر، ظفر محمود، صدف احسن، جاوید اقبال، روحی غزل ودیگر شامل تھے۔